नेपालगन्ज । इस्लामी संघ नेपालले आजदेखि ६ दिने देशव्यापी जागरण अभियान सुरु गरेको छ । सङ्घले कात्तिक २४ गतेदेखि २९ गतेसम्म अभियानको शुभारम्भ गर्दै मोबाइल, इन्टरनेट र सामाजिक सञ्जालको सदुपयोगका लागि प्रेरित गर्न सकारात्मक र निर्माणात्मक सोचलाई विकास गर्न समाजका सबै बर्गलाई अपिल समेत गरेको हो ।
आज इस्लामी संघ नेपालको नेपालगन्जको सभाहलमा आयोजित पत्रकार सम्मेलनमार्फत अभियानको कार्यतालिका सार्वजनिक गरेका हुन । सम्मेलनमा नेपालगञ्जको जैसपुरबाट अभियान शुभारम्भ गर्दै विद्यालय, मदरसालाई केन्द्रित गरी अभियान चलाइने संघका सचिव बद्रे आलम खानले जानकारी दिनुभयो ।
सम्मेलनमा अहिलेको युग वैज्ञानिक प्रगति र डिजिटल क्रान्तिको युग भएको तथा मोबाइल फोन र सामाजिक सञ्जाल निःसन्देह ठूलो बरदान भए पनि यसको सही प्रयोग आवश्यक रहेको बताउँदै इस्लामी संघ नेपाल लुम्बिनी प्रदेश (पश्चिम)का अध्यक्ष उबेदुर रहमान खानले अनुचित प्रयोगले समाजलाई हानी गर्ने उल्लेख गर्नुभयो ।
पत्रकार सम्मेलनमा नेपाल पत्रकार महासङ्घ लुम्बिनी प्रदेश अध्यक्ष शुक्रऋषि चौलागाई र बाँके शाखा अध्यक्ष नवीन गिरीले सङ्घले निकै सान्दर्भिक र सामयिक अभियान थालेको भन्दै यसमा मिडियाको साथ र सहयोग रहने प्रतिबद्धता ब्यक्त गर्नुभयो ।
संघले कात्तिक २७ गते बिहान ७ बजे नेपालगञ्जमा “सदुपयोगका लागि र्यालीको आयोजना गरिने भएको छ । सम्मेलनमा कात्तिक २९ गते नेपालगञ्जस्थित आइडियल पब्लिक हाई स्कूलमा समिक्षा गोष्ठी आयोजना गरि औपचारिक कार्यक्रम बिच समापन गरिने जानकारी दिनुभयो । आगामी दिनमा यस्ता जनचेतनामूलक कार्यक्रम देशका अन्य प्रदेशमा विस्तार गर्ने योजना अघि सारेको जनाएको छ ।
पत्रकार सम्मेलनमा नेपाल पत्रकार महासंघ लुम्बिनी प्रदेशका अध्यक्ष शुक्रऋषि चौलागाइ र बाँके शाखाका अध्यक्ष नवीन गिरी, नेपाल प्रेस युनियन बाँकेका अध्यक्ष पृयास्मृती ढकाल, इस्लामी संघ नेपाल लुम्बिनी प्रदेशका सदस्य मो. आलमीन राई, संघका पदाधिकारी लगायत सञ्चारकर्मीको उपस्थिति थियो।
